حالت احرام میں خوشبو کا استعمال

حالت احرام میں خوشبو کا استعمال


عن عَائِشَةَ رضي الله عنها قالت كَأَنِّي أَنْظُرُ إلى وَبِيصِ الطِّيبِ في مَفَارِقِ رسول اللَّهِ صَلَّى اللهُ عَلَيْهِ وَسَلَّمَ وهو مُحْرِمٌ. (بخارى، رقم 1538)

حضرت عائشہ رضی اللہ عنہا سے روايت ہے کہ ميں گويا آج بهى رسول اللہ صلی اللہ علیہ وسلم کی مانگ میں خوشبو کی چمک دیکھ رہی ہوں، اس حال ميں كہ آپ احرام باندهے ہوئے ہيں۔

عن عَائِشَةَ رضي الله عنها زَوْجِ النبي صَلَّى اللهُ عَلَيْهِ وَسَلَّمَ قالت كنت أُطَيِّبُ رَسُولَ اللَّهِ صَلَّى اللهُ عَلَيْهِ وَسَلَّمَ لِإِحْرَامِهِ حين يُحْرِمُ وَلِحِلِّهِ قبل أَنْ يَطُوفَ بِالْبَيْتِ. (بخارى، رقم 1539)

نبی صلی اللہ علیہ وسلم کی زوجہ عائشہ رضی اللہ عنہا سے روايت ہے کہ جب رسول اللہ صلی اللہ علیہ وسلم احرام باندھتے تو میں آپ کے احرام کے لیے اور اسی طرح بیت اللہ کے طواف زیارت سے پہلے حلال ہونے کے لیے خوشبو لگایا کرتی تھى۔

عن عَائِشَةَ رضي الله عنها قالت كَأَنِّي أَنْظُرُ إلى وَبِيصِ الطِّيبِ في مَفْرِقِ رسول اللَّهِ صَلَّى اللهُ عَلَيْهِ وَسَلَّمَ وهو مُحْرِمٌ. (مسلم، رقم 2832)

حضرت عائشہ رضی اللہ عنہا سے روایت ہے کہ گویا میں آج بهى دیکھ رہی ہوں کہ رسول اللہ صلی اللہ علیہ وسلم احرام باندھے ہوئے ہیں اور آپ کی مانگ میں خوشبو مہک رہی ہے۔

عن عَائِشَةَ رضي الله عنها قالت كنت أُطَيِّبُ النبي صَلَّى اللهُ عَلَيْهِ وَسَلَّمَ قبل أَنْ يُحْرِمَ وَيَوْمَ النَّحْرِ قبل أَنْ يَطُوفَ بِالْبَيْتِ بِطِيبٍ فيه مِسْكٌ. (مسلم، رقم 2841)

حضرت عائشہ رضی اللہ عنہا سے روایت ہے کہ میں نبی صلی اللہ علیہ وسلم کو احرام باندھنے سے پہلے اور قربانی والے دن بیت اللہ کا طواف کرنے سے پہلے مشك والى خوشبو لگاتی تھی۔

________




Articles by this author