ازواج اور اولاد کا دشمن ہونا

قرآن مجید میں یہ کہا گیا ہے کہ تمھاری بیویوں اور تمھارے بچوں میں سے بعض تمھارے دشمن ہیں،اس بات کا کیا مطلب ہے؟

پڑھیے۔۔۔

كيا مرحوم بيوی نا محرم بن جاتي ہے؟

میں نے سنا ہے کہ ایک شخص کی بیوی کی وفات کے بعد وہ اس (اپنے خاوند) کے لیے نا محرم ہو جاتی ہے۔ وہ شخص جو کہ رنڈوا ہو جاتا ہے اس (اپنی مرحوم بیوی) کو چھو بھی نہیں سکتا، حتی کہ اس کے قریب آ کر اس کو دیکھ بھی نہیں سکتا۔ لیکن اگر کسی عورت کا شوہر وفات پا جائے تو وہ عورت اپنے شوہر کو غسل بھی دے سکتی ہے۔ کچھ لوگ کہتے ہیں کہ بیوی کی وفات کے بعد نکاح بھی ٹوٹ جاتا ہے اس لیے وہ اپنے شوہر کے لیے نا محرم بن جاتی ہے۔میں ان تمام مسائل کے بارے میں کافی پریشان ہوں۔ برائے مہربانی رہنمائی فرمائیے۔

پڑھیے۔۔۔

بیوی سے بے رغبتی

میں یو ایس میں رہتا ہوں۔ میں نے تین ماہ پہلے پاکستان آ کر شادی کی تھی۔ اب میری بیوی یو ایس میں میرے ساتھ ہے، لیکن میں اس میں کوئی رغبت محسوس نہیں کرتا ، میرا سوال یہ ہے کہ اس صورت حال میں مجھے کیا کرنا چاہیے؟

پڑھیے۔۔۔

علیحدگی کی صورت میں بچے کی کفالت

میری اہلیہ میری طرف سے ملازمت کی اجازت نہ ملنے کی وجہ سے مجھے چھوڑ کر اپنے والدین کے پاس چلی گئی ہے۔ وہ اپنے ساتھ میری انتہائی بیمار بچی کو بھی لے گئی ہے، حالانکہ میرے سسرال میں نہ صحیح طرح سے اس بچی کا علاج ممکن ہے اور نہ وہ لوگ اس کے علاج کا خرچ برداشت ہی کر سکتے ہیں۔ اب وہ مجھے اپنی بچی سے ملنے بھی نہیں دے رہے، بلکہ مزید یہ کہ میری اہلیہ نے عدالت سے یہ درخواست کی ہے کہ بچی کو اسی کے پاس رہنے دیا جائے۔ جبکہ میں یہ چاہتا ہوں کہ اگر میری بیوی میرے پاس نہیں بھی آنا چاہتی تو میری بیٹی میرے پاس ہی رہے تاکہ میں اس کا صحیح علاج کرا سکوں۔ چنانچہ میں آپ سے درج ذیل سوالات پوچھنا چاہتا ہوں:

١۔ کیا میں اپنی انتہائی بیمار بچی کو جس کی جان خطرے میں ہے ، حاصل کرنے کا مطالبہ شرعاً کر سکتا ہوں؟

٢۔ کیا شریعت ان حالات میں جبکہ بچی کی ماں محض ملازمت کی خواہش کے لیے اپنے خاوند کی اجازت کے بغیر اپنے گھر کو چھوڑ کر چلی گئی ہے، بچی کے باپ کو کچھ ایسے خاص حقوق دیتی ہے جن کی بنا پر وہ اس صورت حال کو سنبھال سکے؟

٣۔ بچی کس کے پاس رہے گی، اس کیس کا فیصلہ شرعی قانون کے تحت کیا جائے گا یا دیوانی قانون کے تحت؟

٤۔ اس سارے قضیے میں آپ کی اپنی کیا راے ہے؟

پڑھیے۔۔۔

بیوی کے نان ونفقہ کی ذمہ داری

اگر بیوی نشوز اختیار کرتی ہے اور خاوند کی جان کی دشمن بن جاتی ہے تو کیا اس صورت میں بھی بیوی کے نان ونفقہ کی ذمہ داری مرد پر ہو گی؟

پڑھیے۔۔۔

شوہر اور والدین

میری شادی کو ۵ ماہ ہوئے ہیں۔ اور اللہ کے فضل سے میں اپنی اس نئی شادی شدہ زندگی میں بہت خوش ہوں۔ لیکن مجھے ایک مسئلہ درپیش ہے جس کے بارے میں میں آپ سے رہنمائی چاہتی ہوں۔ مسئلہ یہ ہے کہ میرے اور میرے شوہر کے خاندان میں پہلے سے ہی تعلقات اچھے نہیں تھے شادی کے بعد مزید خراب ہو گئے ہیں۔ اب شوہر کا کہنا ہے کہ یا تم اپنے والدین کو چھوڑ دو یا مجھے اور دوسری طرف میرے والدین کا کہنا ہے کہ اگر میں نے اپنے شوہر کی طرف داری کی تو میں کبھی ان کو ملنے نہیں جا سکتی۔ اب میرے لیے میرے والدین بھی محترم ہیں اور میرے شوہر بھی۔ برائے مہربانی آپ اس معاملے میں میری رہنمائی فرمائیے کہ مجھے ان حالات میں کیا کرنا چاہیے۔ اس معاملے میں قرآن اور اسلام کا کیا نقطہ نظر ہے؟

پڑھیے۔۔۔

اللہ تعالی کا آسمان دنیا پر آنا

میں نے پڑھا ہے کہ تہجد کے وقت قریبی آسمان پر تشریف لاتے ہیں ۔ میں جاننا چاہتا ہوں کہ اس کا کیا مطلب ہے۔ میرا دوسرا سوال یہ ہے کہ اگر اللہ تعالی کے علاوہ کسی کو سجدہ کرنے کی اجازت ہوتی تو بیوی کو کہا جاتا کہ وہ اپنے شوہر کو سجدہ کرے۔ اس بات کی تفصیل سے وضاحت کریں۔

پڑھیے۔۔۔

بیوی اور والدین

میری عمر 39 سال ہے ۔میں گلف میں رہتا ہوں ۔میری بیوی اور دو بچے امریکہ میں رہتے ہیں اور میرے والدین پاکستان میں رہتے ہیں ۔میں نے اور میری بیوی نے چند باہمی اسباب کی وجہ سے کچھ سال الگ رہنے کا فیصلہ کیا ہے۔ میری بیوی سوچتی ہے کہ مجھے صرف اپنے والد اور بھائی بہنوں سے لگاؤ ہے ۔لہٰذا وہ میری فیملی کو ناپسند کرتی ہے ۔ میں اچھی طرح جانتا ہوں کہ یہ محض ا س کی غلط فہمی ہے اور ا س کا یہ احساس صحیح نہیں ہے ۔میں نے کئی دفعہ اسے سمجھانے کی کوشش بھی کی ہے کہ دیکھو والدین والدین ہوتے ہیں اور بیوی بیوی۔کوئی ایک دوسرے کی جگہ نہیں لے سکتا، لیکن وہ بالکل نہیں سمجھتی۔وہ ہمیشہ فون پر مجھ سے جھگڑ ا کرتی رہتی ہے اور کہتی ہے کہ اس نے یہ کہا اور اس نے یہ کہا۔اب میں اس کا کیا کرسکتا ہوں کہ اگر میری بہن اس سے یہ پوچھ لیتی ہے کہ آج سارا دن آپ نے کیا کیا۔ میں سمجھتا ہوں کہ میں اپنے بیوی اور بچوں سے متعلق فرائض پوری طرح ادا کر رہا ہوں ۔میں ان سے پیار کرتا ہوں ، ان کے پاس رہنے کے لیے اپنا گھر ہے ، کھانے پینے اور دیگر ضروریات پوری کرنے کیلئے پیسوں کی کوئی کمی نہیں ہے ، وہ روز مجھ سے فون پر بات کرتے ہیں ، سال میں 3 یا 4 بار وہ مجھ سے ملنے آتے ہیں ، میں انہیں پھول اور تحائف بھیجتا رہتا ہوں ، لیکن پھر بھی میری بیوی مجھ سے نفرت کرتی ہے اور پچھلے دس سال سے وہ ایسا ہی کر رہی ہے۔ اب عید کاموقع ہے تو مجھے یہ فیصلہ کرنا ہے کہ میں پاکستان اپنے والد اور بھائی بہنوں کے پاس جاؤں یا امریکہ اپنے بیوی بچوں کے پاس۔والد اور بہنیں مجھے اپنے پاس بلا رہے ہیں اور بیوی بچے اپنے پاس آنے کے لیے ضد کر رہے ہیں ۔میں بہت پریشان ہوں اور اس گومگومیں ہوں کہ کیا فیصلہ کروں اور کہاں جاؤں؟ ایک طرف والد اور بھائی بہنیں ہیں اور دوسری طرف بیوی بچے ۔براہِ مہر بانی میری مدد اور رہنمائی کیجیے ۔میں ہمیشہ اللہ سے دعا کرتا رہتا ہوں کہ وہ میری اور میری بیوی کی مدد کرے ، اور میری بیوی کو مثبت طریقے سے سوچنے کی توفیق دے۔ آپ بھی میرے لیے دعا کیجیے گا؟ (احمد)

پڑھیے۔۔۔

مردوں کے لیے حوریں تو عورتوں کے لیے کیا؟

قرآن میں جگہ جگہ مردوں کے لیے جنت میں حوروں کا وعدہ کیا گیا ہے ۔ سوال یہ ہے کہ پھر عورتوں کو جنت میں کیا ملے گا؟ کیا انہیں غلمان دیے جائیں گے؟

پڑھیے۔۔۔