Questions - قیامت Browse Categories

اللہ تعالیٰ عالم الغیب ہے۔ کیا وہ انسانی مزاج کو نہیں جانتا پھر اسے امتحان لینے کی کیا ضرورت ہے؟

سورہ مائدہ کی آیت ٦٩ میں یہ بات بیان ہوئی ہے کہ جو لوگ ایمان باللہ اور ایمان بالآخرت کے ساتھ، عمل صالح کو اختیار کریں گے، ان کی بخشش ہو جائے گی، اس آیت سے یہ محسوس ہوتا ہے کہ انسان کی نجات میں ایمان بالرسول کی کوئی حیثیت نہیں، کیا یہ بات صحیح ہے؟

کیا قیامت کا مطلب دنیا اور کائنات کا خاتمہ ہے یا اس سے مراد وہ وقت اور زمانہ ہے، جب اللہ تعالیٰ کا نظام، یعنی دین نافذ ہو جائے گا؟ اس سلسلے میں قرآن مجید سے کیا بات ثابت ہوتی ہے؟

انسان کے اندر نیکی اور بدی کا شعور ہے۔ وہ انصاف کا ایک تصور بھی اپنے اندر رکھتا ہے۔ یعنی یہ اس کی فطرت میں موجود ہے۔ اگر یہی حقیقت ہے اور وا‏قعی یہی ہے تو اس حقیقت کا ایک تقاضا ہے، ایک نتیجہ ہے اور وہ یہ کہ اس ظالم دنیا کی جگہ (خدا تعالی کے منصف ہونے کی وجہ سے) کوئی ایسی دنیا وجود پذیر ہو جہاں نیکی کا نتیجہ اچھا اور برائی کا نتیجہ برا نکلے۔ اس وجہ سے قیامت کا تصور ایک ایک واضح حقیقت کے طور پر ہمارے سامنے آتا ہے۔ میرا سوال یہاں پہ یہ ہے کہ ہم اس ساری بحث کے نتیجے کے طور پر قیامت کی جگہ نروانا یا ایسی ہی کسی فلاسفی کو کیوں نہ مانیں۔ اور قیامت ہی کو اس کا فطری تقاضا کیوں قرار دیں۔

عام طور پر مسلمان بالخصوص پاکستانی مسلمان یہ کہتے ہیں کہ گو کہ ہم اپنے گنا ہوں کے باعث جہنم میں جائیں گے لیکن بس چند دنوں کے لیے اور پھر اپنے گنا ہوں کی سزا پانے کے بعد رسول اللہ صلی اللہ علیہ وسلم کی شفاعت کی بدولت ہم جنت میں داخل کر دیے جائیں گے۔ میں نے قرآن کا مطالعہ کیا ہے مگر اس میں ایسی کوئی بات نہیں پڑھی، بلکہ میں نے تو یہ پڑھا ہے کہ سب سے پہلے یہ خیال یہودیوں کے اندر پیدا ہوا لیکن اللہ تعالیٰ نے یہ کہہ کر اس کی تردید فرمادی کہ کیا تم نے اللہ سے ایسا کوئی عہد کر رکھا ہے کہ اللہ اس کی خلاف ورزی نہیں کرے گا۔ براہِ مہربانی ذرا اس معاملے کی وضاحت فرمادیں؟

عام طور پر یہ بات کہی جاتی ہے کہ تمام مسلمان جنت میں جائیں گے ۔میرا خیال ہے کہ اس یقین نے ہمیں سچائی اور صحیح راہ سے ہٹادیا ہے کیونکہ ہمارا احساس ہے کہ ہم جو بھی کریں بالآخر تو جنت میں جانا ہی ہے ۔ کیا یہ خیال درست ہے؟