جائداد پر زکوٰۃ

سوال:

میں اپنی جائداد پر واجب زکوٰۃ کیسے طے کروں۔ مزید براں کیا مجھے اپنے مکانوں پر زکوٰۃ دینا ہو گی اور میری بیوی کو اپنے مکان اور اپنے زیورات پر بھی زکوٰۃ دینا ہو گی؟


جواب:

اگر میاں کی جائداد بھی ہے اور بیوی کی بھی تو دونوں کو اپنی اپنی جائداد پر زکوٰۃ دینا ہو گی۔
غامدی صاحب کے نقطہ نظر کے مطابق اسلام نے ہم پر درج ذیل شرح سے زکوٰۃ عائد کی ہے:

'' پيداوار ،تجارت اورکاروبار کے ذرائع ، ذاتی استعمال کی چيزوں اور حد نصاب سے کم سرمائے کے سوا کوئی چيزبھی زکوٰۃ سے مستثنیٰ نہيں ہے۔ يہ ہرمال ، ہر قسم کے مواشی اور ہر نوعيت کی پيداوارپر عائد ہوگی اور ہر سال رياست کے ہر مسلمان شہر ی سے لازماً وصول کی جائے گی ۔

اس کی شرح يہ ہے :

مال ميں ٢ /١٢ فی صدی سالانہ (اگر وہ مال ٦٤٢گرام چاندی کی مالیت سے زیادہ ہے)۔

پيداوار ميں اگر وہ اصلاً محنت يا اصلاً سرمائے سے وجود ميں آئے تو ہر پيداوارکے موقع پراُس کا ١٠فی صدی ، اور اگر محنت اورسرمايہ ، دونوں کے تعامل سے وجود ميں آئے تو٥ فی صدی ، اور دونوں کے بغير محض عطيہ خداوندی کے طور پر حاصل ہو جائے تو ٢٠ فی صدی ۔''(میزان ٣٥٠)

اس اصول کے مطابق آپ کو ان مکانوں پر کوئی زکوٰۃ نہیں دینا جن میں آپ رہ رہے ہیں یا وہ آپ کے زیر استعمال ہیں۔ جو مکان کرایے پر اٹھے ہیں تو ان کے کرایے کا دس فی صد دینا ہو گا اور اگر وہ محض جائداد کی صورت میں قیمت بڑھنے پر بیچنے کے لیے روکے ہوئے ہیں تو پھر ہر سال ان کی حاضر مالیت کا ڈھائی فی صد دینا ہو گا۔

زیورات پر مال کی زکوٰۃ (حاضر مالیت کا ڈھائی فی صد) لگے گی۔اپنے کاروبار سے (جس میں آپ کا سرمایہ اور آپ کی محنت، دونوں صرف ہوتے ہیں اس سے) ہونے والی آمدنی اگر آپ کی حقیقی ضروریات کے بقدر رقم سے زیادہ ہے تو پھر کل آمدنی کا پانچ فی صد آپ کو دینا ہو گا۔

answered by: Rafi Mufti

About the Author

Muhammad Rafi Mufti


Mr Muhammad Rafi Mufti was born on December 9, 1953 in district Wazirabad Pakistan. He received formal education up to BSc and joined Glaxo Laboratories Limited. He came into contact with Mr Javed Ahmad Ghamidi in 1976 and started occasionally attending his lectures. This general and informal learning and teaching continued for some time until he started regularly learning religious disciplines from Mr Ghamidi in 1984. He resigned from his job when it proved a hindrance in his studies. He received training in Hadith from the scholars of Ahl-i Hadith School of Thought and learned Fiqh disciplines from Hanafi scholars. He was trained in Arabic language and literature by Javed Ahmad Ghamidi. He is attached to Al-Mawrid from 1991.

Answered by this author