آپ نے اعمال کے پہلے سے طے ہونے کے بارے قرآن کے بیان کا حوالہ دیا ہے اور اس کے نتیجے میں عمل و سعی کے بے فائدہ ہونے پر سوال کیا ہے۔
تقدیر میں کیا کیا ہے۔ یہ بات ہمیں معلوم نہیں ہے۔ نہ قرآن مجید میں اس کی تفصیل آئی ہے اور نہ اسے جاننے کا کوئی اور ذریعہ ہے۔ قرآن مجید نے البتہ یہ بات بالکل واضح اور دو ٹوک انداز میں بیان کی ہے کہ آخرت کا نتیجہ سرتاسر سعی و کوشش پر ہے۔ یہ بات کم وبیش ہر سورہ میں بیان ہوئی ہے۔ سورہ نجم میں ارشاد ہے : لیس للانسان الا ما سعی۔ انسان کے لیے وہی ہے جس کی اس نے کوشش کی۔
قرآن مجید کے اس واضح فیصلے کے بعد وسوسوں کو دل میں جگہ نہیں دینی چاہیے۔
